რუსეთის მართლმადიდებლურმა ეკლესიამ ალექსანდრიის საპატრიარქოსთან კავშირი გაწყვიტა. აღნიშნული გადაწყვეტილება რუსეთის მართლმადიდებლურმა ეკლესიამ მოსკოვში სინოდის კრებაზე მიიღო.
მათი განცხადებით, ამიერიდან რუსეთის მართლმადიდებელი ეკლესია ალექსანდრიის პატრიარქ თეოდორე მეორეს ლოცვებში აღარ მოიხსენიებს. ამასთანავე აფრიკაში რუსეთის ეკლესიის მრევლი უშუალოდ რუსეთის პატრიარქს დაექვემდებარება.
აღსანიშნავია, რომ რუსეთის საპატრიარქომ ალექსანდრიის მართლმადიდებელ ეკლესიასთან კავშირის გაწყვეტის გადაწყვეტილება მას შემდეგ მიიღო, რაც ალექსანდრიაში უკრაინის მართლმადიდებელი ეკლესიის ავტოკეფალიას დაუჭირეს მხარი.
ბოლო საინფორმაციო გამოშვება
