ცხინვალის რეჟიმი ე.წ. საზღვრის გახსნას 15 მარტიდან აპირებს

ე.წ. სამხრეთ ოსეთის დეფაქტო ხელისუფლება ე.წ. საზღვრის გახსნას 15 მარტიდან აპირებს. ამის შესახებ ადგილობრივი საინფორმაციო სააგენტო „რეს“-ი „უშიშროების საბჭოს“ ინფორმაციაზე დაყრდნობით იუწყება.

„მიღებულია გადაწყვეტილება მოქალაქეთა მიმოსვლის განახლების შესახებ საქართველოსთან სახლმწიფო საზღვრის გამარტივებულად გადაკვეთის ადგილებში. გადაწყვეტილება მიღებულია საქართველოში ეპიდემიოლოგიური მდგომარეობის გაუმჯობესებასთან დაკაშირებით“, - აღნიშნულია დეფაქტო უწყების განცხადებაში.

ცხინვალის რეჟიმმა ე.წ. საზღვარი 2019 წლის 11 იანვრიდან H1N1 გრიპის ვირუსის გამო ჩაკეტა.