ქართველი ოლიგარქი ბიძინა ივანიშვილი პუტინის სპიკერივით ლაპარაკობს, და არა როგორც ერთგული ევროპელი, - ამის შესახებ გერმანიის პარლამენტის (ბუნდესტაგი) საგარეო საქმეთა კომიტეტის თავმჯდომარე, მაიკლ როთი “ტვიტერის” პირად გვერდზე წერს.
“ქართველი ოლიგარქი ბიძინა ივანიშვილი პუტინის სპიკერივით ლაპარაკობს და არა როგორც ერთგული ევროპელი. ის რუხი კარდინალია და ხალხის ევროკავშირში გაწევრიანების იმედების განადგურება სურს. მაგრამ ის ვერ შეძლებს ევროკავშირისკენ გზაზე საქართველოს გაჩერებას”, - წერს როთი.