„ლილო მოლში“ გაჩენილ ხანძართან დაკავშირებით მოვაჭრეები მომხდარის დეტალებზე საუბრობენ.
როგორც ისინი “ინტერპრესნიუსთან” აცხადებენ, ცეცხლი ორსართულიანი შენობის მეორე სართულზე გაჩნდა, სადაც ძირითადად ნაძვის ხეებისა და ტანსაცმლის საწყობები იყო განთავსებული.
მათივე ინფორმაციით, ხანძრის ტერიტორია ყველამ დროულად დატოვა და დაშავებული არავინაა.
ჯერჯერობით დაზუსტებული არაა, თუ რამ გამოიწვია ხანძარი, თუმცა, ერთ-ერთი მოვაჭრე “ინტერპრესნიუსთან” ხანძრის მიზეზებზე საუბრისას ამბობს, რომ ცეცხლის გაჩენის დროს ტერიტორიაზე შედუღების აპარატს იყენებდნენ.
ამასთან, ხანძარში მოყოლილი ერთ-ერთი მაღაზიის მეპატრონის განცხადებით, საკუთრება დაზღვეული ჰქონდათ.
ცეცხლი, ლილოს ბაზრობის ტერიტორიაზე, 2 საათზე მეტი ხნის წინ გაჩნდა.
ადგილზე ხანძრის ჩაქრობის სამუშაოებში 120-ზე მეტი მეხანძრე მაშველი და 22 ავტოცისტერნაა ჩართული.
ბოლო საინფორმაციო გამოშვება
