Другие новости на сегодня
მამუკა ხაზარაძეს, ბადრი ჯაფარიძეს და გრიგოლ გეგელიას აშშ-ში ჰქონდათ წარმოუდგენლად მაღალი დონის შეხვედრები - ხაზგასმითაა აღსანიშნი, რომ ქართველ ხალხს აქვს აშშ-ის მხარდაჭერა და ეს მხარდაჭერა არის ორპარტიული, - ამის შესახებ კოალიცია „ძლიერი საქართველოს“ წევრმა, ლევან სამუშიამ „პალიტრანიუსის“ გადაცემაში „360 გრადუსი“ განაცხადა.
ლევან სამუშიას შეფასებით, ხელისუფლების წევრებმა სანქციები თავიანთ თავს თავად გამოუწერეს, თავიანთი ქმედებებიდან გამომდინარე.
„ჩვენი პარტიის ლიდერები შეხვდნენ როგორც მმართველი პარტიის ანუ "რესპუბლიკური პარტიის", ასევე "დემოკრატიული პარტიის" კონგრესმენებს, სენატორებს. ასევე შეხვედრები ჰქონდათ სახელმწიფო დეპარტამენტში. ძალიან საიმედოა ეს ყველაფერი, რომ საქართველოს მოქალაქეების, ქართველი ხალხის ბრძოლა არ რჩება უყურადღებოდ. ეს არის უმნიშვნელოვანესი და ძალიან დიდ როლს თამაშობს ყოველდღიური და გაუჩერებელი აქციები.
გვახსოვს პრემიერად წოდებული, თვითმარქვია კობახიძის განცხადება, რომ 20 იანვრამდე აქციების გაგრძელება გამორიცხეთო. ისინი რუსულად აზროვნებენ, ამ ადამიანებს ვერ წარმოუდგენიათ, როგორ შეიძლება ადამიანმა იბრძოლოს თავისუფლებისთვის, თავისი ქვეყნის მომავლისთვის. ამათმა სანქციები თავიანთ თავს თავად გამოუწერეს, თავიანთი ქმედებებიდან გამომდინარე“, - განაცხადა ლევან სამუშიამ.
მისივე თქმით, ქვეყანაში ახალი არჩევნები გარდაუვალია.
„ჩვენ ვმუშაობთ ჩვენი ქვეყნის უკეთესი მომავლისათვის და ქვეყნის მაგისთანებისთვის. უმნიშვნელოვანესია, რასაც ჩვენი მოქალაქეები აკეთებენ. ეს ყველაფერი, ქვეყნის შიგნით საქართველოს მოქალაქეებისგან ამ რუსული, თვითმარქვია რეჟიმის არაღიარება ცივილიზებული სამყაროს მიერ, ჯამში მოიტანს ახალ არჩევნებს“, - განაცხადა ლევან სამუშიამ.
