„ერთიანობა - ნაციონალური მოძრაობის” ერთ-ერთმა ლიდერმა გიორგი ვაშაძემ თავდასხმის ფაქტის შემდეგ, რუსთაველის გამზირზე პოლიცია გამოიძახა.
მისი თქმით, უკვე საათ-ნახევარია, რაც სამართალდამცველებს მიმართა, თუმცა მათგან მოისმინა, რომ თავად უნდა გამოცხადდეს განყოფილებაში და მომხდარ ფაქტზე შეიტანოს საჩივარი.
“იდენტიფიცირებული გვყავს დამნაშავე, სახელი, გვარიც ვიცით, მისამართიც ვიცით უკვე, აგერ ხალხის ჩართულობით ყველაფერი არის იდენტიფიცირებული, ვიდეოზეც დაფიქსირებულია, ნივთმტკიცებაც ამოღებულია, რითაც თავს დამესხა… ახლა საზოგადოებას ვეკითხები - აზრი აქვს ჩემს მისვლას პოლიციაში? კარგი, სამართალი არ არის, კანონი არ არის, ყველაფერი არის აღრიცხული პირდაპირ ეთერში, პოლიცია არ მოდის. საათ-ნახევარია, აქ ველოდები პოლიციას და არ მოდის - არ მოვალთ და თქვენ მოდით ჩემთანო. სად უნდა მოვიდე, რა აზრი აქვს, რომ მოვიდე”, - განაცხადა ვაშაძემ.
ბოლო საინფორმაციო გამოშვება
