„ერთიანობა - ნაციონალური მოძრაობის“ ლიდერებმა განათლების მიმართულების წარმომადგენლებსა და საზოგადოებრივ ორგანიზაციებთან შეხვედრა გამართეს და განათლების დეკლარაციას ხელი მოაწერეს. აღნიშნულის შესახებ ინფორმაციას „ერთიანობა - ნაციონალური მოძრაობის” პრესსამსახური ავრცელებს.
„სტრატეგია აღმაშენებლის“ განათლების მიმართულების ხელმძღვანელის, ნანა ტოხვაძის თქმით, 26 ოქტომბრიდან პროდასავლური კოალიციური მთავრობა განათლების სისტემას ევროპულ სტანდარტებს დაუახლოებს.
„დეკლარაციას ხელი მოვაწერეთ, რომელიც პარტიული წნეხისგან და პოლიტიკური ზეწოლიდან განათლების გათავისუფლების უზრუნველყოფა იქნება. მიხარია, რომ საზოგადოებრივი ორგანიზაციები, პოლიტიკური პარტიები ვთანხმდებით, რომ განათლება ისევე, როგორც მთელი ქვეყანა ოლიგარქიული რეჟიმისგან უნდა გავათავისუფლოთ და უკვე 26 ოქტომბრიდან პროდასავლური მთავრობა განათლების ევროპული სტანდარტით და დემოკრატიული პრინციპებით განათლების სისტემის წინ წაყვანას დაიწყებს“, - განაცხადა ტოხვაძემ.
