ბოლო საინფორმაციო გამოშვებაახალი ამბების ტელევიზია
დღის სხვა სიახლეები
ბოლო საინფორმაციო გამოშვებაThis is a modal window.
Beginning of dialog window. Escape will cancel and close the window.
End of dialog window.
საქართველოს მესამე პრეზიდენტის მიხეილ სააკაშვილის წიგნის "ძალის გამოღვიძება" მეორე ნაწილის პრეზენტაცია საქართველოს სხვადასხვა ქალაქში გრძელდება. ამჯერად პრეზენტაცია სენაკში გაიმართა და მას კოალიცია „ერთიანობა ნაციონალური მოძრაობის" ლიდერებთან ერთად მიხეილ სააკაშვილის დედა, გიული ალასანიაც ესწრებოდა.
როგორც გიული ალასანია აცხადებს, წიგნი ავტობიოგრაფიულია, თუმცა მსოფლიოს ბოლო წლების ისტორიასაც გამოხატავს.
„საქართველოს სხვადასხვა ქალაქში ჩაგვაქვს წიგნები, ეს შევსებული გამოცემა და ვცდილობთ, რაც შეიძლება მეტ მკითხველს მიუვიდეს ეს წიგნი, რომელიც ავტობიოგრაფიულია, მაგრამ შეიძლება ითქვას, რომ ეს არის მსოფლიოს ბოლო წლების ისტორიაც", - განაცხადა მესამე პრეზიდენტის დედამ გიული ალასანიამ.
„ერთიანობა - ნაციონალური მოძრაობის“ წევრის, თემურ ჯანაშიას თქმით, მიხეილ სააკაშვილის პატიმრობის თითოეული დღე ქვეყნისათვის დაკარგული შესაძლებლობაა.
„ეს არის საქართველოს უახლესი ისტორია, ფაქტობრივად და თითოეული მკითხველი, რომელიც ამ წიგნს წაიკითხავს, კიდევ ერთხელ დარწმუნდება, რომ მიხეილ სააკაშვილის ასეთ მდგომარეობაში, ტუსაღად ყოფნისას დაკარგული თითოეული დღე იგივეა, რაც ქვეყნისთვის დაკარგული შესაძლებლობები, თუმცა, არჩევნების შემდეგ მიხეილ სააკაშვილი აუცილებლად იქნება თავისუფალი და კიდევ ბევრ სარგებელს მოუტანს ქვეყანას",- განაცხადა თემურ ჯანაშიამ.
