Другие новости на сегодня
საქართველოს თავდაცვის ძალების წარმომადგენლებმა ვეტერან ძიუდოისტთა ჩემპიონატში მონაწილეობა მიიღეს. ქართველმა სამხედროებმა სპორტის აღნიშნულ სახეობაში სხვადასხვა წონით კატეგორიაში იასპარეზეს და წარმატებებს მიაღწიეს.
ამის შესახებ ინფორმაციას თავდაცვის სამინისტრო ავრცელებს.
უწყების ცნობით, +78კგ. წონით კატეგორიაში I ადგილი უფროსი სერჟანტი ზაზა ფერაძის სახელობის საწყისი საბრძოლო მომზადების ცენტრის კაპრალმა ირინე ლეონიძემ დაიკავა, +100 კგ. წონით კატეგორიაში პრიზიორი სამხედრო პოლიციის დეპარტამენტის წარმომადგენელი ალექსი დავითაშვილი გახდა, ხოლო +81 კგ. წონით კატეგორიაში II ადგილის მფლობელი სპეციალური ოპერაციების სარდლობის სერჟანტი დავით უძილაური გახდა.
სამინისტროს ინფორმაციით, სპორტული შეჯიბრებები ბოსნია და ჰერცოგოვინას დედაქალაქში, სარაევოში გაიმართა.
