საქართველოს ყოფილი პრეზიდენტის მიხეილ სააკაშვილის წარმომადგენელი, სოფო ჯაფარიძე, მიხეილ სააკაშვილის ინიცირებული ჰუმანიტარული პროექტის ფარგლებში, ექიმების ჯგუფთან ერთად, ენგურის ხიდის მიმდებარე ტერიტორიაზე, სოფელ რუხში იმყოფება და მოსახლეობას უფასო სამედიცინო კონსულტაციას უწევს. ინფორმაციას ამის შესახებ „ერთიანი ნაციონალური მოძრაობა“ ავრცელებს.
სოფო ჯაფარიძის განცხადებით, ის თავად უზრუნველყოფს, რომ ენგურის ხიდს მიღმა მცხოვრებ საქართველოს მოქალაქეებთან მას და ექიმების ჯგუფს მუდმივი კონტაქტი ჰქონდეთ.
“ხედავთ, რომ აფხაზეთიდან გადმოდიან ჩვენი მოქალაქეები, რომლებსაც ძალიან სჭირდებათ დღეს ჩვენი მხარდაჭერა, ჩვენი გვერდით დგომა. იცით, რომ რუსეთის ოკუპირებული აფხაზეთის ტერიტორიაზე ძალიან მძიმე და სავალალო მდგომარეობაშია ჯანდაცვა. ასევე, ენგურს მიღმა საქართველოს მოქალაქეები ძალიან მძიმე მდგომარეობაში არიან. დღევანდელი დღით არ დასრულდება ჩვენი აქცია. მე უზრუნველვყოფ, რომ მუდმივი კონტაქტი და კომუნიკაცია იყოს ჩვენს ექიმებსა და მათ შორის, რადგან ეს მათ ძალიან სჭირდებათ. დღეს ვართ ჩვენ აქ და მთელი დღის განმავლობაში უპირობო მხარდაჭერას ვუცხადებთ მათ”, - აღნიშნა სოფო ჯაფარიძემ.
ბოლო საინფორმაციო გამოშვება
