ბოლო საინფორმაციო გამოშვებაახალი ამბების ტელევიზია
დღის სხვა სიახლეები
ბოლო საინფორმაციო გამოშვებაThis is a modal window.
Beginning of dialog window. Escape will cancel and close the window.
End of dialog window.
ჩვენს ოპონენტებს უნდათ საქართველოს ევროინტეგრაციის პროცესი მხოლოდ ერთ ქვეყანაზე ჩამოკიდონ, თითქოს უნგრეთი საქართველოს იყენებს გარიგების საგნად, რაც აბსოლუტურად აბსურდია , - ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა.
მისივე თქმით, "ევროკავშირის შიგნით დაძაბულობა გარკვეულ საფრთხეებს ქმნის", თუმცა გაფართოება თავად ევროკავშირისთვის არის მნიშვნელოვანი.
"ჩვენს ოპონენტებს უნდათ საქართველოს ევროინტეგრაციის პროცესი მხოლოდ ერთ ქვეყანაზე ჩამოკიდონ, თითქოს მხოლოდ უნგრეთია, რომ მხარს უჭერს საქართველოს და თავის დამოკიდებულებით უკრაინის მიმართ საქართველოს იყენებს გარიგების საგნად, რაც აბსოლუტურად აბსურდია, რადგან საქართველოს მხარდამჭერთა შორის არის ევროკავშირის პრაქტიკულად ყველა ქვეყანა. არა იმიტომ, რომ როგორც ბორელმა აღნიშნა, მთავრობის მიერ არის საშინაო დავალებები კარგად შესრულებული მხოლოდ, ან არა იმიტომ, რომ საზოგადოება ამას იმსახურებს და ზოგიერთებს უნდათ, ეს გამოიყენონ სათავისო პოლიტიკურ ტრენდად, არამედ იმიტომ, რომ საქართველო თავის შესრულებული საქმითაც, საზოგადოებითაც და უშველებელი რეიტინგებით ამას იმსახურებს, ყოველგვარი შიდა გარიგებების გარეშე. საქართველო არ იცვლება არანაირად, მას მიეგება შესაბამისი პატივი, როცა გამოცხადდება კანდიდატ ქვეყნად იმ მაჩვენებლებიდან გამომდინარე, რაც მას გააჩნია.
რასაკვირველია, გარკვეულ საფრთხეებს ქმნის დაძაბულობა შიგნით ევროკავშირში, ჩვენ წარმატება გვინდა ვუსურვოთ უკრაინასაც, მოლდოვასაც, ყველა კანდიდატ ქვეყანას, მაგრამ მთავარი არ დავივიწყოთ, ევროკავშირისთვის ეს გაფართოების თემა, განსაკუთრებით საქართველოს თემა, არის საგანგებო მნიშვნელობის, არამხოლოდ პოლიტიკური, არამედ ეკონომიკური ინტერესების გათვალისწინებით, რაც უკავშირდება შუა დერეფნის განვითარებას, აქედან გამოდის მნიშვნელოვანწილად ევროკავშირი, როცა გადაწყვეტილებას იღებს", - განაცხადა ვოლსკიმ.
