უნგრეთში აშშ-ის ელჩმა, დევიდ პრესმანმა უნგრეთის მთავრობა ნატო-ს მოკავშირეების ინტერესების უგულებელყოფის გამო გააკრიტიკა.
ამის შესახებ ინფორმაციას სააგენტო Reuters-ი ავრცელებს.
„დღეს ჩვენ სულ უფრო ხშირად ვხედავთ მოკავშირეს, რომელიც ნატო-ს ეყრდნობა და თავს კომფორტულად გრძნობს, ასევე, უგულებელყოფს მოკავშირეებისა და ჩვენი ალიანსის ინტერესებს, მათ შორის ევროპაში ომის დროს“, - განაცხადა პრესმანმა.
დევიდ პრესმანმა აღნიშნა, რომ მოკავშირეების ინტერესების უგულებელყოფა აშკარაა, როცა პრემიერ-მინისტრი, ვიქტორ ორბანი რუსეთის პრეზიდენტს, ვლადიმერ პუტინს ეხვევა და იმუქრება, რომ უკრაინისთვის საჭირო დახმარებას შეაჩერებს.
ამერიკელმა დიპლომატმა განაცხადა, რომ ახლა უნგრეთი ვითარდება, როგორც ევროკავშირისა და ნატო-ს წევრი, რაც კომპანიებს ადგილზე წარმატებული ბიზნესის წარმართვის საშუალებას აძლევს.
ბოლო საინფორმაციო გამოშვება
