ბოლო საინფორმაციო გამოშვებაახალი ამბების ტელევიზია
დღის სხვა სიახლეები
ბოლო საინფორმაციო გამოშვებაThis is a modal window.
Beginning of dialog window. Escape will cancel and close the window.
End of dialog window.
მოგიწევს ბორია, მელიას უპირობო გაშვება და რიგგარეშე არჩევნების დანიშვნა! თუ გინდა რაღაცით მაინც გადაირჩინო თავი,- ასე ეხმაურება საქართველოს ყოფილი პრეზიდენტი მიხეილ სააკაშვილი გენერალური პროკურატურის განცხადებას ნიკა მელიასთან დაკავშირებით.
"დაშინებული, კუთხეში მიყუჟული ივანიშვილის სანქციების პირდაპირი მუქარის ქვეშ გამოგდებული იაფფასიანი ტრიუკი პროკურატურის განცხადების მეშვეობით. მოგიწევს ბორია მელიას უპირობო გაშვება და რიგგარეშე არჩევნების დანიშვნა! თუ გინდა რაღაცით მაინც გადაირჩინო თავი!", - წერს სააკაშვილი "ფეიბუქის" პირად გვერდზე.
ცნობისთვის, პროკურატურა მზადაა, ნიკა მელიას მიერ გირაოს გადახდის შემთხვევაში, სასამართლოს აღკვეთის ღონისძიების სახით პატიმრობის შეცვლის შუამდგომლობით მიმართოს. შესაბამისი განცხადება პროკურატურაში გაკეთდა.
როგორც გენერალურ პროკურატურაში გამართულ ბრიფინგზე პროკურორმა ამირან გულუაშვილმა განაცხადა, „ნაციონალური მოძრაობის“ თავმჯდომარის, ნიკანორ მელიას დაპატიმრება არასდროს ყოფილა პროკურატურის თვითმიზანი.
„2020 წლის 3 ნოემბრის განჩინებით განსაზღვრული გირაოს პირობების შესრულების შემთხვევაში, ბრალდების მხარე გამოთქვამს მზადყოფნას თბილისის საქალაქო სასამართლოს შუამდგომლობით მიმართოს ბრალდებულ ნიკანორ მელიას მიმართ გამოყენებული პატიმრობის გირაოთი შეცვლის თაობაზე", - განაცხადა გულუაშვილმა.
