ბოლო საინფორმაციო გამოშვებაახალი ამბების ტელევიზია
დღის სხვა სიახლეები
ბოლო საინფორმაციო გამოშვებაThis is a modal window.
Beginning of dialog window. Escape will cancel and close the window.
End of dialog window.
დასავლეთ საჰარა სამხრეთ ოსეთის "დამოუკიდებლობას" ცნობს. რუსული სააგენტოების ინფორმაციით, ამის შესახებ ე.წ. სამხრეთ ოსეთის რესპუბლიკის პრეზიდენტის მრჩეველმა, კონსტანტინე კოჩიევმა განაცხადა, რომელიც დასავლეთ საჰარის მმართველი პარტიის წარმომადგენლებთან შეხვედრებს მართავდა.
დასავლეთ საჰარა, რომელიც მაროკოს ტერიტორიის ნაწილია, არააღიარებული რესპუბლიკაა, მისი მთავრობა კი, რომელიც ალჟირშია განთავსებული, მაროკოსგან გამოყოფას ითხოვს.
კოჩიევის თქმით, "საჰარის რესპუბლიკის მიერ სამხრეთ ოსეთისა და აფხაზეთის რესპუბლიკების აღიარების საკითხი 2008 წლის ზაფხულში განიხილებოდა. საჰარის არაბეთის დემოკრატიული რესპუბლიკა სამხრეთ ოსეთის რესპუბლიკის დამოუკიდებლობას ცნობს, თუმცა აღიარების ფორმალური დოკუმენტები და დიპლომატიური დადგენილებები ხელმოწერილი ჯერ არ არის".
გარკვეული ურთიერთობები ჩამოყალიბდა დე ფაქტო სამხრეთ ოსეთსა და ალჟირს შორისაც. კონსტანტინე კოჩიევის თქმით, "აღიარების საკითხში მას მხარდაჭერას ამ ქვეყნის პოლიტიკოსებიც უცხადებენ, რაც აფრიკის კონტინენტზე სამხრეთ ოსეთის შემდგომი აღიარებისთვის მნიშვნელოვანია".
