მაია ცქიტიშვილი - სატენდერო პროცედურების დარღვევით, ვერ გამოვაცხადებთ გამარჯვებულად ვერავის, იმის მიუხედავად ბიუჯეტი  გვაქვს თუ არა შესასრულებელი

მთავარია კანონის დაცვა, სატენდერო პროცედურების დარღვევით, ჩვენ ვერ გამოვაცხადებთ გამარჯვებულად ვერავის, იმის მიუხედავად ბიუჯეტი გვაქვს თუ არა შესასრულებელი, - ასე პასუხობს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი 2018 წლის ბიუჯეტის ათვისების შესახებ დასმულ შეკითხვას.

მაია ცქიტიშვილის განცხადებით, ბიუჯეტის პროექტით, რიკოთის გზის პროექტები მეოთხე კვარტალშია გათვალისწინებული და ამ პროექტთან მიმართებაში აბსოლუტურად არასწორია ბიუჯეტის შეუსრულებლობაზე საუბარი.

მისივე თქმით, რიკოთის სამ მონაკვეთზე, ტენდერები უკვე გაიხსნა, ამჟამად მიმდინარეობს შერჩევა-შეფასების პროცედურა საერთაშორისო საფინანსო ინსტიტუტების მიერ დადგენილი პროცედრების დაცვით, ასევე დონორებთან გამარჯვებულად გამოვლენილი კონტრაქტორების შეთანხმება ხდება.

„ამ პროცედურების გავლის შემდეგ გაირკვევა, სამივე კონტრაქტი რამდენად შედგება. ვიმედოვნებ, რომ წლის ბოლომდეა გათვალისწინებული ამ ეტაპის დასრულება, თუმცა როგორც გითხარით, ეს არ არის მხოლოდ ჩვენზე დამოკიდებული, ვმუშაობთ დონორებთან და კონტრაქტორებთან ერთად“, - განაცხადა მაია ცქიტიშვილმა.

მაია ცქიტიშვილის კომენტარს რეგიონული განვითარებისა და ინფრასტრუქტურის სამინისტროს პრესსამსახური ავრცელებს.

ვიტალი ბალა - თუ აშშ-მ უკრაინას შეუწყვიტა დახმარება, უკრაინას ძალიან გაუჭირდება, მაგრამ, რატომღაც მგონია, რომ უკრაინასთან მიმართებაში ტრამპის პოლიტიკა ისეთი არ იქნება, რასაც ის საპრეზიდენტო არჩევნების წინ აცხადებდა
ქართული პრესის მიმოხილვა 21.11.2024
ნიდერლანდების ელჩი მელინე არაკელიანი - გულწრფელად რომ გითხრათ, ვფიქრობ, საქართველოს მთავრობასთან ნდობის აღდგენას დიდი დრო დასჭირდება
„ვენდისი“ Beyond Meat®-თან თანამშრომლობით, საქართველოში პირველად მომხმარებელს მცენარეული ხორცის ბურგერს შესთავაზებს
შალვა წაქაძე - „საზღვაო ხაზი ე 60“-ის პირველი წარმატებული სარკინიგზო რეისი ბულგარეთიდან საქართველოში, მათივე კუთვნილი ბორან „აია“-თი შესრულდა
სესხი თუ კაპიტალი? გადასახადის გადამხდელთა ახალი თავსატეხი
„არქიმ“ ახალი ელიტარული კომპლექსი „ლისი სანრაიზი“ წარადგინა