საინფორმაციო სააგენტო ინტერპრესნიუსი

ადვოკატის ინფორმაციით, „ტვ პირველის“ ოპერატორი, ლაშა ჯიოშვილი ზაჰესის დროებითი მოთავსების იზოლატორშია
19.02.2025 / 02:46
19.02.2025 / 02:46

„ტვ პირველის“ იურისტის თორნიკე მიგინეიშვილის ინფორმაციით, ახალი ამბების ოპერატორი, ლაშა ჯიოშვილი,

123456789101112
ბიზნესისა და ეკონომიკის სიახლეები
პროფილი
სალომე ზურაბიშვილი
საქართველოს მეხუთე პრეზიდენტი
გიორგი გახარია
ყოფილი პრემიერ-მინისტრი, პარტია "გახარია საქართველოსთვის" თავმჯდომარე
ბადრი ჯაფარიძე
„ლელო საქართველოსთვის“ პოლიტსაბჭოს თავმჯდომარე
ბიძინა ივანიშვილი
საქართველოს ყოფილი პრემიერ-მინისტრი
207
პროფილი
ახალი ამბების ტელევიზია
Video Player is loading.
Current Time 0:01
Duration -:-:-
Loaded: 0.00%
Stream Type LIVE
Remaining Time -:-:-
 
1x
დღის სხვა სიახლეები
ანა დოლიძე -  თეა წულუკიანი არაერთხელ არის შემჩნეული საჯარო ინფორმაციის გაუცემლობაში, სისტემურ ხასიათს იღებს მისი მხრიდან კანონის უპატივცემულობა

თეა წულუკიანი არაერთხელ არის შემჩნეული სასამართლოს გადაწყვეტილებების შეუსრულებლობაში, შემჩნეულია საჯარო ინფორმაციის გაუცემლობაში, დიდიხანია სისტემურ ხასიათს იღებს მისი მხრიდან კანონის უპატივცემულობა, - ამის შესახებ „ინტერპრესნიუსს“ იუსტიციის უმაღლესი საბჭოს არამოსამართლე წევრმა ანა დოლიძემ განუცხადა, რითაც თეა წულუკიანის მიერ „პალიტრამედიის“ ჰოლდინგში შემავალი მედიასაშუალებების ბოიკოტირების საკითხს გამოეხმაურა.

როგორც დოლიძემ აღნიშნა, ყველაზე დიდი გაუბედურება ისაა, რომ იუსტიციის სამინისტრო არის უწყება, რომლის მთავარი ვალდებულებაა კანონის აღსრულება და კანონის უზენაესობის დამკვიდრება.

„ჩვენ, გადასახადის გადამხდელებს თეა წულუკიანის ხუშტურების შესრულებაში გადახდილი გვაქვს ათასობით ლარი ანუ სამინისტროს დამლაგებელი თავისი საშემოსავლოთი აფინანსებს იუსტიციის მინისტრის ხუშტურების შესრულებას.

სამინისტროს წაგებული აქვს უამრავი შრომითი დავა იმიტომ, რომ საკუთარი ხუშტურებით გაათავისუფლა თანამშრომელი. ასევე, თეა წულუკიანი არაერთხელ არის შემჩნეული სასამართლოს გადაწყვეტილებების შეუსრულებლობაში, შემჩნეულია საჯარო ინფორმაციის გაუცემლობაში. დიდიხანია სისტემურ ხასიათს იღებს მისი მხრიდან კანონის უპატივცემულობა. ეს ახალი არ არის და არც მხოლოდ „პალიტრამედიის“ მიმართ. უბედურება ისაა, რომ ეს არის სამინისტრო, რომლის მთავარი ვალდებულებაა კანონის აღსრულება და კანონის უზენაესობის დამკვიდრება.

ჩვენ გვყავს მინისტრი, რომელიც თავისივე ქმედებით იმთავითვე ეწინააღმდეგება იმ მისიას, რომელსაც მისი სამინისტრო ასრულებს. ეს ძველი ამბავია და მე ძალიან მიკვირს, რომ ვიღაცას უღირს ამ ადამიანის, რომელიც ყოველ დღე საქმეს აფუჭებს, თანამდებობაზე გაჩერება. ჩემი აზრით, ეს ძალიან ძვირი პოლიტიკური ქულები უჯდება მმართველ გუნდს.

სამწუხაროდ, იუსტიციის მინისტრის მხრიდან კანონის უგულებელყოფა უკვე ჩამოყალიბდა ტრადიციად. ალბათ, მას ასეთი ქცევისთვის მიცემული აქვს კარტ-ბლანში, რომ შეუძლია ის აკეთოს, რაც უნდა და მთელი სახელმწიფო თავის ხუშტურებზე ატაროს,“ - განაცხადა ანა დოლიძემ.

იუსტიციის მინისტრის თეა წულუკიანის პირადი გადაწყვეტილებით, სამინისტრო და მასში შემავალი სტრუქტურები „პალიტრას“ ბოიკოტს უცხადებენ. უკვე თითქმის სამი წელია „პალიტრამედიის“ ჰოლდინგში შემავალ არც ერთ მედიასაშუალებას იუსტიციის სამინისტროს დაქვემდებარებაში მყოფ საჯარო რეესტრის ეროვნული სააგენტოდან, სერვისების განვითარების სააგენტოდან და აღსრულების ეროვნული ბიუროდან გამოთხოვილ არც ერთ საჯარო ინფორმაციაზე პასუხი არ მიუღია. როგორც აღნიშნულის მიზეზებზე bpn.ge-ს იუსტიციის სამინისტროს პრესსამსახურში განუცხადეს, შესაბამისი დავალება თეა წულუკიანისგან აქვთ მიღებული.

„მინისტრის მითითებაა 2015 წლიდან. მაგ პერიოდიდან არ ვპასუხობთ „პალიტრას“, გაწყვეტილი გვაქვს სამუშაო ურთიერთობა. კითხვა-პასუხის რეჟიმში „პალიტრასთან“ არ ვართ, ინფორმაციის მიცემა არ შეგვიძლია“, - განაცხადეს იუსტიციის სამინისტროს პრესსამსახურში.

საქართველოს ზოგადი ადმინისტრაციული კოდექსის 37-ე და 40-ე მუხლის მიხედვით, ყველა საჯარო უწყება ვალდებულია საჯარო ინფორმაციის გამოთხოვის შემთხვევაში დაინტერესებულ პირს პასუხი გასცეს ან დაუყონებლივ, ან არა უგვიანეს 10 სამუშაო დღის ვადაში. შესაბამისად, საქართველოს იუსტიციის სამინისტრო კანონს უხეშად არღვევს.

იხილეთ "პალიტრამედიის" თანამშრომლის და იუსტიციის სამინისტროს პრესსამსახურის თანამშრომლის საუბრის აუდიოჩანაწერი

ავთანდილ წულაძე - მიუნხენის კონფერენციის ფონზე საქართველო და სომხეთი ძალიან რთულ ვითარებაში არიან, რადგან ვაშინგტონის ინტერესი ჩვენი რეგიონის მიმართ ჯერ არ ჩანს
ქართული პრესის მიმოხილვა 17.02.2025
დაპორტირდი წარსულიდან მომავალზე – „ნამი 8“ ბიზნესებს კომფორტული სივრცის შექმნის სრულიად ახალ სტანდარტს სთავაზობს
ისარგებლე Trade In აქციით და შეიძინე უახლესი Samsung Galaxy S25 სერია
ევროპის ოლიმპიური კომიტეტების პრეზიდენტი - მადლობა საქართველო! თქვენ ამ ოლიმპიადით თამასა ისე მაღლა ასწიეთ, რომ მომდევნო ქვეყნისთვის რთული იქნება ფესტივალის ასე კარგად ჩატარება
სადაზღვევო კომპანია „ალდაგი“ „კრედო ბანკის“ მწვანე პროექტის პარტნიორი გახდა
რეკომენდაციები კიბერდამნაშავეებისგან თავის დასაცავად